Exposiziun publica – Glista d'inventari dals maletgs dal lieu, da las gruppas d'edifizis e dals edifizis singuls degns da protecziun

La glista d'inventari dals maletgs dal lieu, da las gruppas d'edifizis e dals edifizis singuls degns da protecziun serva sco basa per la planisaziun locala en il senn da la legislaziun chantunala davart la planisaziun dal territori (art. 6 e 7 da la lescha davart la protecziun da la natira e da la patria en il chantun Grischun dals 19 d'october 2010 [lescha chantunala davart la protecziun da la natira e da la patria, LNPGR; DG 496.000] sco er art. 42 al. 2 da la lescha davart la planisaziun dal territori per il chantun Grischun dals 6 da december 2004 [LPTGR; DG 801.100]). L'admissiun d'in edifizi sin la glista d'inventari na signifitga betg ina protecziun. La glista d'inventari cuntegna maletgs dal lieu degns da protecziun, gruppas d'edifizis potenzialmain degnas da protecziun sco er edifizis singuls potenzialmain degns da protecziun. L'admissiun d'in object sin la glista d'inventari n'è betg lianta giuridicamain. Perquai na po vegnir prendì nagin med legal cunter l'admissiun. Durant l'exposiziun publica pon la populaziun ed ils circuls interessads inoltrar en scrit correcturas dal cuntegn e cumplettaziuns a la tgira da monuments dal Grischun. Ils documents èn exponids publicamain dals 26-03-2020 fin ils 30-04-2020.

Actas d'exposiziun
glista d'inventari dals maletgs dal lieu, da las gruppas d'edifizis e dals edifizis singuls degns da protecziun
plans tar la glista d'inventari

Lieu da l'exposiziun/link
Cumegn da Surses, Administraziun communala, Veia Cantunala 57, 7453 Tinizong. L'invista è pussaivla durant las uras da biro uffizialas usitadas al lieu.
Las actas d’exposiziun cattez er sot igl link

Propostas en scrit
Las correcturas e las cumplettaziuns en scrit pon vegnir inoltradas fin il pli tard ils 30-04-2020 a la tgira da monuments dal Grischun, Loëstrasse 14, 7001 Cuira.

Cuira, 26-03-2020

Tgira da monuments dal Grischun / uffizi da cultura

 

Publicaziuns

Fasche adiever dallas categorias per cattar pi spert igls documaints giavischias. Per ulteriour sclarimaint Az stat la canzleia communala gugent a disposiziun.